E-Ddysgu Ysgolion Caerdydd ​

Yn adran e-ddysgu Ysgolion Caerdydd, mae pob math o wybodaeth ymgynghorol, hyfforddiant a chyngor i roi cymorth i ysgolion i ddefnyddio TGCh mewn sesiynau addysgu a dysgu. Nod ein dull strategol yw sicrhau bod gan ysgolion y seilwaith sydd ei angen i gynnal dysgu digidol, caffael a rhentu dyfeisiau defnyddiwr olaf, ac yn anad dim, manteisio ar hyfforddiant a chymorth i ddefnyddio TGCh ym mhob rhan o'r cwricwlwm ac mewn gwersi Cyfrifiadureg a Thechnoleg, Gwybodaeth a Chyfathrebu.

Mae gan Richard lawer o flynyddoedd o brofiad yn rheoli a chynnal prosiectau TGCh ac mae wedi gweithio’n ddyfal i hyrwyddo’r defnydd o dechnoleg at ddibenion addysgu a dysgu. Mae ganddo MA mewn Arwain a Rheoli Addysg ac mae’n cynnal cyrsiau Arwain a Rheoli DPP. Mae hefyd yn dysgu TGCh ym mhob sector addysg. Ymgynghorydd TGCh yw Richard mewn prosiectau ysgolion a adeiledir o’r newydd a phrojectau adnewyddu ysgolion, ac mae’n asesydd/ymgynghorydd e-ddiogelwch achrededig gan SWGfL.

---

Richard Clement
​rclement@cardiff.gov.uk

Mae gan Sarah fwy na 18 o flynyddoedd o brofiad o addysgu TGCh. Mae wedi ysgrifennu a chynnal amrywiaeth eang o gyrsiau TG ar gyfer disgyblion ac athrawon. Bu’n gweithio mewn pob math o leoliadau addysg gan gynnwys Addysg Bellach, Gynradd, lleoliadau’r Awdurdod Lleol ac Addysg Gymunedol. Yn ogystal â dysgu sgiliau TGCh ar bob lefel, mae Sarah wedi dylunio platfformau a gwefannau dysgu moodle, mae’n ymgynghorydd E-Ddiogelwch (Asesydd/Ymgynghorydd SWGfL Cymwys) ac mae ganddi angerdd dros ddysgu, ffotograffiaeth a dylunio. ​ 

---

Sarah Dawson
sdawson@cardiff.gov.uk

Yr hyn mae athrawon yn ei ddweud amdanom ni....

“Cynllun hawdd iawn ei ddilyn – mae athrawon yn ymgyfarwyddo ag ef ac yn ei ddefnyddio.” 
“Mae hyfforddiant gan y tîm wedi gwella hyder staff”
“Mae Sarah a Richard wedi bod yn amhrisiadwy! O ganlyniad i’w hagwedd gyfeillgar, mae staff wedi gallu gwella eu dealltwriaeth o faes TG yn fwyfwy hyderus.......”

​Cysylltwch â Ni Heddiw Ynghylch Unrhyw Ymholiadau